اعزائي واصدقائي بمناسبة حلول الشهر الفضيل شهر الصيام والعبادة والتقوى والصلاة وطلب المغفرة والنفاق والخداع والضحك عاللحى والافلام المحروقة اود ان اشارككم بتجارب خاصة من خلال قصص واقعية حصلت في يوم رمضاني بامتياز. اليكم ٣ قصص قصيرة:
امسك حرامي
هذه القصة الاولى وباختصار اني اردت الأطمئنان عن صديقة عزيزة وتعمل محامية يعني حسك عينك بتوديك ب١٠٠ داهية خصوصاً انها جميلة كمان اوكي اجريت الاتصال. وينك يا ست الحسن زمان ما شفناكي لا بمرقص ولا بسهرة ولا ب
club
والجواب كان يييييييييي انا ما بطلع وما بسهر بهيك محلات برمضان. شو كنك ناسي انه الدنيا رمضان. ااااااه والله انا ناسي. معك حق والباقي عندكم.
صحتين على قلبك يا حجة
جائت ساعة الظهر من نفس اليوم يعني ميعاد الغدى ال
lunch
خرجت مع صديق لي ايراني بس كافر يعني لا يؤمن بالصيام مثلي ذهبنا الى مطعم في منطقة لا يوجد فيها لا عرب ولا مسلمين وعلى حظنا المنيل كان في وحدة صبية محجبة المسكينة الظاهر هي اللي حظها منيّل يعني تشردقت من الخوف وكادت تختنق وكأنها شافت شيوخ الجامع بس لو تدري هالمشحرة . كنت ناوي اقللها صحتين على قلبك يا حجة.
سيدنا الشيخ بده يلعب كمان
الوقفة الثالثة في هذا النهار الطويل كانت بالمساء حيث ذهبت كمرافق لصديقي الايراني الى احد الكازينو حيث صديقي قمرجي من الدرجة الأولى واذا ببعض المشايخ باللحى كانو بقمرو سبحان الله حتى سيدنا الشيخ بحب يلعب .
صايم وصايع
في اليوم التالي اتصلت بصديق لي عامل حالو اخونجي بس هو نسونجي.
اه شو اخبارك يا مو كيف رمضان معك؟
والله تمام الحمدلله بصوم
طيب ممتاز خلص يعني امّنت الجنة وال٧٢ حورية طيب وينك؟
والله طالع اسهر عالبرستيج؟
طيب ورمضان؟
لا بس بشرب شاي
آه طيب مين معك؟
اسكت اصطدت وحدة جديدة عالانترنت بس بتجنن لعبة
طيب ومرتك؟
انسى مرتي بالبيت
طيب ورمضان؟وللا النسوان معليش برمضان وغيره
سكرجي بس الحمدلله بصوم
خرجت الى احد الكلبات العربية ورحت جلست مع صديقي السكرجي محمد
شو يا ابو حميد كيف رمضان معك؟
والله تمام الحمدلله بصوم
برافو عليك ابو حميد طب شو بتشرب؟
لا يا زلمة هاي بيرة حلال يعني بلا كحول
اه يعني مي وشعير بس
اه طبعا
طب شوا رأيك بهالرقاصة البرزيلية؟
يلعن عرضها ما احلاها لعبة
طب رمضان؟وللا انسى تذكرت النسوان معليش حلال
والى اللقاء في يوم رمضاني آخر ورمضان كريم
رمضانيات الحلقة الاخيرة ختامها مسك
اخيرا انتهى الشر الفضيل شهر رمضان والصيام والكذب والنفاق والضحك على اللحى والافلام المحروقة والتهبل وركع اتباع محمد شاكرين الله بان الشهر انتهى وعدى على خير ويعتقدو انهم ضحكو علي خلقهم وانه غفر ذنوبهم والان فتح صفحة جديدة لتعود حليمة لعادتها القديمة وفعلا لم ينتظروا طويلا اليكم بعض القصص السريعة بمناسبة العيد السعيد
النسونجي المستشيخ
صديقي النسونجي المستشيخ مو حضر لزيارتي يوم العيد حيث استقبلته بالمطار لاكتشف ان الهدف الغير معلن من الزيارة هو مقابلة اخر فريسة اصطادها على الانترنت يعني عشيقة طازة وترك مرته اللي عمرها 16 سنة وحامل بالبيت ليحضر ويمضي ليلتين شهر عسل مع العشيقة الجديدة
السكرجي فلان
صديقي السكرجي فلان يعني ما صدق وخلص الشهر عشان يعوض . ذهبت لمقابلته هو وعدد من اصدقائه في احد البارات المحترمة وبصراحة كان هو واصحابه يضو ويطفو من السكر والمسكينة مرته قاعدة بالبيت بتحتفل بالعيد مع اولادها ال 5
عينه لسى عالرقاصة البرازيلية
خرجت ليلة امس الى المرقص او النادي الليلي العربي وطبعا صديقي السكرجي اللي اعتزل برمضان كان موجود بس هالمرة استبدل بيرة الحلال ببيرة الحرام وعينه لسى عالرقاصة البرازيلية
شباب المغرب وكمان شباب الخليج والسعودية
شباب المغرب كمان كانو حاضرين بس غيرو الشاي للويسكي وكمان شباب الخليج والسعودية اللي غابو برمضان عادو بيمن الله ورعايته قنينة رايحة وقنينة حاي
وكل عام وانتم بخير
Posts
No comments:
Post a Comment